Повреда на Манасков, следи пауза

06.10.2021 Oktomvri Sreda

Во понеделникот, нашето одлично лево крило, Дејан Манасков, се здобил со сериозна повреда. Прегледите потврдија дека се скинати вкрстените лигаменти, што значи операција и пауза за нашиот ракометар, објави унгарскиот Веспрем на својата клупска интернет-страница, чии бои успешно ги брани македонскиот репрезентативец.

Манасков се повредил на првенствениот меч кој неговиот Веспрем го играл во понеделникот против ККФТ Веспрем и на кој дуел Манасков постигнал девет гола. Искусното лево репрезентативно крило е играч од составот на кој сметаше селекторот Кирил Лазаров за престојното Европско првенство (ЕП), кое в година треба да се одржи во Унгарија и во Словачка.

Г.И.