Повик за учество на филмскиот фестивал за млади „Џифони Македонија 2021“

30.09.2021 Septemvri Cetvrtok

По минатогодишното онлајн издание, деветтото издание на филмскиот фестивал за млади „Џифони Македонија 2021“ ќе се одржи од 7 до 12 октомри во Скопје, на локациите: во Кинотеката, во Младинскиот културен центар и во киното „Милениум“.

Повикот, со кој се повикуваат сите ученици од средните и од основните училишта да се пријават за учество во меѓународното жири, е отворен до 4 октомври.

-Во намален број заради протоколите за безбедност, околу 180 ученици од основните и средните училишта од градот заедно ќе гледаат филмови и ќе учествуваат на креативни работилници, мастеркласови и други интересни содржини. За учесниците од странство и од другите градови во Македонија ќе биде обезбедена видеоконекција преку која ќе им се приклучат на своите врсници во активностите, информираат од „Џифони Македонија“.

Како што известуават формуларот за пријава во категоријата Јуниори (VI, VII, VIII и IX одделение) е https://tinyurl.com/Juniori21 ,за пријава во категориите Кадети и Сениори (I, II, III и IV година средно) :https://tinyurl.com/GiffoniMK21 а за волонтери: https://tinyurl.com/GiffVolonteri

Фестивалот „Џифони Македонија“ е поддржан од македонската Агенција за филм и Министерството за култура, Град Скопје, партнерот од Италија – „Џифони Експиериенс“ и Мисијата на ОБСЕ во Скопје.