По седум месеци: Миланска Скала повторно ги отвори вратите за јавноста

Миланска Скала по цели седум месеци повторно ги отвори вратите за ограничен број гледачи, откако беше затворена поради пандемијата на корона вирусот.

Членовите на оркестарот под заштитни маски и хорот изведуваа арии од оперите на Џузепе Верди, Ричард Вагнер и други познати композитори пред околу 500 гледачи кои го гледаа концертот од ложата, додека приземјето остана празно.

Концертот го одбележа дебито на норвешката сопранистка Лиза Давидсони, и заврши со петминутно овации и бис на аријата „Хорот на Евреите“ од операта “Набуко“ на Верди.

“Ова е симбол на нов почеток не само за Скала, туку и за цела Италија“ – изјави уметничкиот директор на операта во Милано, Доминик Мејер, пренесува Ројтерс.

Концертот ја одбележа и 75-годишнината од повторното отворање на Скала по бомбардирањето за време на Втората светска војна.