По речиси две декади: Ролинг Стоунс се враќаат со нов албум, излезе првиот сингл со спот/ВИДЕО

Најдолговечниот рок бенд во историјата, Ролинг Стоунс, го објави новиот сингл „Angry“, кој е еден вид увертира за новиот студиски албум на британскиот бенд по 18 години.

Легендарниот рок бенд Ролинг Стоунс триумфално се враќа на сцената по смртта на оригиналниот тапанар Чарли Вотс пред две години, пренесува Нова.рс.

После 18 години тие на светот му го претставуваат новиот сингл наречен „Angry“, објави издавачката куќа Universal music.

Со оваа нова песна, познатата рок група го најавува долгоочекуваниот студиски албум Hackney Diamonds. На новиот албум, кој ќе излезе на 20 октомври, Мик Џегер, Кит Ричардс и Рони Вуд на публиката по речиси две децении ќе и дадат 12 сосема нови песни. Имено, уште во 2005 година излезе претходниот студиски албум A Bigger Bang, кој го претставија и на светска турнеја.

Новиот сингл „Angry“ кој го најавува она што допрва доаѓа од познатиот бенд е придружен со видео во режија на Франсоа Руселе, додека главната улога ја толкува популарната актерка Сиднеј Свини.