По вулканска ерупција, во Пацификот се појави нов остров

По ерупцијата на подводен вулкан се појави нов остров на површината на југозападниот Тихи Океан. Според НАСА, површината на новиот остров е еден хектар. Во југозападниот Пацифик, гребенот на морското дно што се протега од Нов Зеланд до Тонгам има најголема густина на подводни вулкани во светот – наведуваат од НАСА. Оттаму истакнаа дека „новородениот“ остров напредувал многу брзо.

Истражувачите од Геолошкиот институт на Тонга проценија дека површината на островот е еден хектар, а надморската височина е 10 метри, што е 33 стапки над нивото на морето, но она што е интересно е дека островот во моментов „пораснал“ на шест хектари – велат тие.

Новооткриениот остров се наоѓа југозападно од островот Лата, североисточно од Хунга Тонга-Хунга Хаапаи и северозападно од Моунгаоне. Гребенот Хоум се наоѓа во зоната на субдукција Тонга-Кермадек, област каде што три тектонски плочи се судираат на границата што најбрзо се приближува во светот. Пацифичката плоча овде „тоне“ под две други мали плочи, создавајќи еден од најдлабоките ровови на Земјата и најактивните вулкански лакови.

НАСА, исто така, во своето соопштение додаде дека островите создадени од подморските вулкани честопати се краткотрајни. Ова не е првпат вулканските ерупции да доведат до создавање нов остров, имало периоди на ерупции во 1852 и 1857 година, кога по двата настана привремено се формирале мали острови. НАСА, исто така, потсети дека ерупциите во 1984 и 2006 година создале ефемерни острови со карпи што биле високи од 50 до 70 метри.