Плејмејкерот напредува: Митевски е „прекомандуван“ и ќе игра за првиот тим на МЗТ Скопје

15.09.2021 Septemvri Sreda

МЗТ Скопје сака оваа сезона да им даде шанса на дел од младите играчи, играчи кои имаа своја улога во вториот тим МЗТ Скопје УНИ Банка. Токму еден таков е Дарио Митевски кој од денеска официјално е „прекомандуван“ во првиот состав на актуелниот македонски шампион. Митевски е дете на клубот од Аеродром,, клуб во кој настапува од 13 години и ова е чекор напред во неговата кариера. Тој веќе се аклиматизира во првиот тим и ќе биде уште една опција за тренерот Радуловиќ на плејмејкерската позиција, позиција на која се Американецот Дастин Вер и репрезентативецот Кристијан Николов.