Пејтон „исчезна“ од теренот, Грин испрати додавање до клупата на Лејкерс (Видео)

Голден Стејт долго имаше предност во дуелот со Лос Анџелес Лејкерс, но на крајот му дозволи на противникот да направи пресврт и да ги израдува домашните фанови за предност од 3:1 во НБА плејоф серијата.

Дрејмонд Грин повторно имаше важна улога на теренот, но се најде и во една бизарна ситуација, иницирана од „исчезнувањето“ на неговиот соиграч Гери Пејтон Џуниор.

Во еден напад на Вориорс, Пејтон неочекувано го напушти теренот и се упатил кон соблекувалната, а Грин без да знае за тоа, реши да му додаде без воопшто да погледне на која е позиција е соиграчот.

Топката заврши на клупата на Лејкерс, односно кај еден од членовите на стручниот штаб, а зачудениот Грин не можеше да поверува што се случило.Фановите не можеа да сфатат зошто го немало Пејтон во нападот на својата екипа, но подоцна се појави и видеото од кое се гледа дека кошаркарот на Голден Стејт имал одреден проблем, по кој морал да се пресели на клупата веднаш откако заврши нападот на противникот.