Пеп: Сакам да избегнам само еден тим во ЛШ

14.10.2024 Oktomvri Ponedelnik

Пеп Гвардиола се погрижи да видиме многу интересни наслови во Италија и Англија со интервјуто кое го направи во телевизиското шоу „Che Tempo Che Fa“, но во разговорот со Фабио Фацио посебно ја апострофираше и врската која ја има со неговиот матичен клуб.

Шпанскиот стручњак не се гледа себеси со втор мандат како тренер на Барселона, меѓутоа вели дека каталонскиот гигант е единствениот тим со кој не сака да се соочи во Лигата на шампиони.

Иако ги брани интересите на Манчестер Сити, Гвардиола секогаш ќе биде тесно поврзан со Барса, па јасно е дека будно ги следи случувањата и прогресот кој го бележи тимот под водство на Ханси Флик.

Гвардиола во разговорот не ја коментираше работата на Германецот, но затоа нагласи дека не го посакува неговиот тим како ривал во Лигата на шампиони.

– Кој тим сакам да го избегнам? Тоа е добро прашање….. Ќе кажам Барселона. Љубовта која ја имам кон овој клуб знае да ме уништи. Роден сум во мал град во близина на Барселона и никогаш не ми беше лесно да бидам на спротивната страна, – вели Гвардиола.