Пелегрини изнуди жолт картон за да го пропушти дуелот со Салернитана

Рома вчера оствари важна победа над Сампдорија, со што „волчицата“ на Жозе Мурињо се приближи и до четвртото место на табелата во пресрет на завршните рунди во Серија А.

Во прилог на Рома оди и фактот што во следното коло игра против фенерџијата Салернитана, а очигледно в редовите на римскиот клуб сметаат дека ова ќе биде помал предизвик во првенството.

Барем така навестува потегот на капитенот Лоренцо Пелегрини, кој вчера во финишот на средбата буквално изнуди жолт картон, за да биде суспендиран, односно да го пропушти дуелот со Салернитана.

Пелегрини го одлагаше напуштањето на теренот, за на крајот да реши да ги врзува и врвките, па судијата немаше голем избор.

На овој начин капитенот на Рома сигурно ќе биде во составот за дербито со Наполи.