Парис Хилтон: Објавувањето на приватното видео е најголемата траума во мојот живот

19.04.2021 April Ponedelnik

Речиси 17 години откако во јавност се појави секс-снимка со нејзин поранешен партнер, Парис Хилтон деновиве повторно се наврати на скандалот. Таа открива дека објавувањето на секс-снимката ќе ѝ причинува болка до крајот на животот. „Во тие моменти се чувствував како да ми завршил животот“ Во 2004 година нејзиното поранешното момче Рик Саломон објави интимно видео кое го снимале заедно во 2001 година, додека биле во врска. „Тоа е нешто што ќе ме боли до крајот на мојот живот. Секогаш е таму во позадината на мојот ум“, рече таа во текот на емисијата Vanity Fair Cocktail Hour Live изминатиот викенд. „Кога се случи тоа, луѓето беа многу злобни кон мене. Начинот на кој ми се обраќаа во ноќните ток-шоуа и медиумите… и сето тоа пред очите на моето семејство, беше потресно. Јас постојано плачев дома. Не сакав да излезам од куќата, се чувствував како да ми заврши животот.“ Парис призна дека сè уште има посттрауматски стрес да дискутира за тоа затоа што навистина му верувала на тогашниот партнер и сметала дека видеото секогаш ќе остане „приватно искуство меѓу двајца“. „Тоа беше приватно искуство помеѓу двајца луѓе. Сакате некого, имате доверба во некого и вашата доверба да биде изневерена на таков начин, целиот свет да гледа и да се смее…“