Пандев го анализираше мечот во Скопје: Италија се опушти, Македонија одигра со вистински тимски дух

Горан Пандев ја опомена италијанската репрезентација во најавата за мечот во Скопје и ги посочи четирите играчи на кои треба да се внимава, па откако Енис Барди им даде гол и ги остави „аѕурите“ без планирани три бода, легендарниот капитен повторно се јави со изјава на Апенините.

Гоче ужива голема почит во италијанската јавност и често е контактиран од новинарите, па во кратка анализа за „Ил Секоло“ дал осврт за тоа што се случи во Скопје во саботата.

– Македонија одигра одличен натпревар и го направи тоа што требаше. Од друга страна, Италија можеби се опушти по водството и мислеше дека ќе победи со еден гол. По нивниот прв гол, очекував да продолжат да притискаат, но тоа не беше случај.

– Македонија одигра многу добро, со вистинскиот тимски дух, а условите на теренот можеби и ни подадоа рака. Играњето во септември е голем проблем за добар дел од играчите, бидејќи многумина се уште не се во форма, – вели Пандев, кој е убеден дека Италијанците направила правилен избор со Лучијано Спалети.

– Времето ќе ве увери дека Спалети ќе заврши одлична работа, тој е вистинскиот човек за репрезентацијата на Италија, – тврди легендарниот македонски голгетер.