Отфрлен случајот за авторски права на мегахитoт на Мараја Кери

Пејачката Мараја Кери повеќе не е тужена за кршење авторски права над нејзиниот божиќен хит All I Want for Christmas is You откога кантри-пејачот Енди Стоун се откажа од тужбата. Текстописецот Стоун ја тужеше поп-ѕвездата во јуни тврдејќи дека напишал песна со истиот наслов пет години претходно. Тој изјави пред судот дека ќе го отфрли случајот – но правно може повторно да го поведе. Задолжителен на секоја празнична плејлиста, мегахитот на Кери е една од најпознатите божиќни песни на сите времиња. Стоун, кој настапува со името Винс Венс со бендот „Винс Венс енд Д’ Валијантс“, претходно ја поднесе тужбата до федералниот суд во Њу Орлеанс – каде што исто така поднесе барање за да ја повлече. Тој бараше отштета од најмалку 20 милиони долари тврдејќи дека Кери ја искористила „неговата популарност и стил“. И покрај тоа што имаат ист наслов, двете песни музички се разликуваат, но Стоун тврди дека Кери не побарала дозвола да го користи насловот на песната и дека заработила „незаслужен профит“.