Откажан концертот на „Вајтснејк“ во Скопје

Членовите на светски познатата група „Вајтснејк“ од здравствени причини ги откажаа сите преостанати концерти во Европа, во рамките на нивната проштална турнеја.

– Како што сте веќе информирани преку социјалните медиуми на „Вајтснејк“ и Дејвид Ковердејл, поради неговото влошено здравје, по претходно откажаните четири концерта, бендот го откажа и остатокот од европската турнеја, во кој од седум концерта, три требаше да бидат во организација на продукцијата „Авалон“. Станува збор за настапите во Скопје, Белград и во Сараево. Засега немаме информација дали концертите ќе имаaт нов термин и поради тоа ќе вршиме целосна рефундација на средствата на сите што купиле влезници, почнувајќи од 12 јули – велат од продукцијата „Авалон“.

„Ви се извинуваме и благодариме на поддршката во овие тешки моменти, во кои сме апсолутно беспомошни и сме едноставно жртви на виша сила, во овој случај здравјето на Дејвид Ковердејл“, пишува на официјалната интернет-страница на групата.