Осумнаесет наслови во трката за „Роман на годината“

16.02.2021 februari vtornik

Осумнаесет наслови ја продолжуваат трката за традиционалната награда “Роман на годината за 2020“ која што ја доделува Фондацијата за унапредување и промоција на културните вредности „Славко Јаневски“. Жири комисијата предводена од Оливера Николова изборот го направи во конкуренција на 41 роман.

Во првата селекција од конкурсот избрани се делата: „Лето во кое те нема“ – Петар Андоновски, „Или – Или“, „Шрапнел“, Игор Анѓелков, „Или – Или“, „Суво мастило“, Владимир Илиевски, „Македоника литера“, „Скриени желби, немирни патувања“, Владимир Јанковски, „Антолог“, „Ши“, Сашо Кокаланов, „Или – Или“, „Витезот и византијката“, Кица Колбе, „Или-Или“, „Сфинга на гневот“, Жарко Кујунџиски, „Антолог“, „Приказна за трите града“, Митко Маџунков, „Три“, „Фантомско стапало“, Блаже Миневски, „Матица македонска“, „Највисокото дно“, Марија Митева, „Полица“, „На враќање“, Фросина Пармаковска, „Или-Или“, „Лазарка“, Љупчо Петрески, „Арс Либрис“, „Боксерот од Ново маало“, Владимир Плавевски, „Арс Либрис“, „Курвински хроники“, Александар Русјаков, „Арс Либрис“, „Тито, мојот претпоследен херој“, Зоран Спасов – Ѕоф, „Попули“, „Генералот и пеперугата“, Луан Старова, „МАНУ“, „Куќа над брановите“, Билјана С. Црвенковска, „Чудна шума“ и „Случајот Чернобог“, Катерина Шошко, „Антолог“.

Најдоцна до 15 март жирито треба да го соопшти добитникот на наградата која годинава се доделува по 22-ри пат. Наградата „Роман на годината“ се состои од плакета, оригинална статуетка и паричен износ од 150.000 денари.