„Оскарот“ на „Моќниот Џо Јанг“ може да достигне цена од 500.000 долари на аукција

Многу ретко се случува на аукција да се продава трофеј „Оскар“ од златната доба на Холивуд.

Во претстојните денови љубителите на меморабили и фановите ќе имаат шанса да ја купат златната статуетка што ја освои црно-белиот фантастичен филм „Моќниот Џо Јанг“ (1949) за најдобри специјални ефекти.

Вилис О’Брајан, пионер во специјални ефекти во филм, кој се специјализира за stop-motion анимација, на крајот дома однесе „Оскар“ за својата револуционерна работа, која вклучуваше трансформација на куп дрва, катранска хартија и стари ленти во 80-метарски горила за филмот.

Статуетката ќе биде ставена на аукција на 16 јули како дел од продажбата на забавни меморабили на Heritage Auctions.

Почетна понуда од 250.000 долари е објавена на веб-страницата, но „Оскарот“ се очекува да се продаде за приближно 500.000 долри, според ТМЗ.