ОДБОЈКА – БАЛКАНСКО ПРВЕНСТВО ЗА КАДЕТИ Македонија почна со победа

05.07.2024 juli Petok

Машката кадетска репрезентација на Македонија за одбојкари до 18 години, предводена од селекторот Ванче Санев, со победа на дуелот со домаќинот Албанија со 3-1 во сетови (25-20, 23-25, 25-19, 25-23) го почна својот настап на Балканското првенство (БП) во Тирана. Во вториот меч од ова коло репрезентацијата на Србија со 3-0 во сетови ја совлада Црна Гора. Секоја репрезентација ќе одигра натпревар со преостанатите три селекции, по што ќе биде одреден и конечниот пласман. Според предвидениот распоред, вчера Македонија требаше да игра со Србија, Албанија со Црна Гора, a денеска се дуелите Македонија – Црна Гора (15.30 ч.) и Србија – Албанија (18 ч.). Г.И.