Од 9 до 20 јуни: Вториот дел од Берлинале на отворено и пред публика

Организаторите на Берлинскиот филмски фестивал објавија дека условите предизвикани од пандемијата во главниот град на Германија се доволно подобрени за да може да се одржат планираните проекции на отворено во јуни.

Пандемијата е причината што Берлинскиот филмски фестивал беше пропролонгиран во февруари и поделен на два дела. Првиот дел се одржа преку Интернет во март за критичари и клиенти, а сега е на ред ексклузивниот фестивал на отворено за публиката, што ќе се одржи од 9 до 20 јуни. Организаторите изразија задоволство што ќе можат да и овозможат на публиката ужување во отворено киното на 16 локации во рамките на нивниот летен специјал.

Во соопштението се посочува дека падот на стапката на заразени со коронавирусот и позитивните сигнали од властите довеле до таа одлука.

Програмата на фестивалот ќе се состои главно од филмови прикажани на Интернетот за време на делот што се одржа во март, вклучувајќи ги и добитниците на наградите Златна и сребрена мечка што ќе бидат врачени на гала церемонијата на 13 јуни.