Огромен екран падна врз танчари на концерт во Хонгконг

Џиновски видеомонитор падна и повреди двајца танчари пред испаничените фанови на концертот на популарниот бој-бенд „Мирор“ во Хонгконг. Екранот се срушил врз еден изведувач пред да го собори другиот, покажуваат снимките што кружат на интернет. Момчешкиот бенд настапи во Тhe Hong Kong Coliseum во четвртокот вечерта кога настана кошмарот, пренесуваат медиумите. На видеата може да се види како среде настап видеомониторот, што виси од таванот, паѓа директно врз еден од танчарите. Концертот веднаш бил прекинат, а менаџерот на бендот побара од публиката мирно да излезе од арената. Полицијата во Хонгконг потврди за локалните медиуми дека двајцата танчари се хоспитализирани.