Објавени номинациите за „Златна малина“, овој актер доби посебна категорија

Објавени се номинациите за наградата „Златна малина“ за најлошо филмско остварување во претходната година. Доделувањето „Златна малина“ е своевидна пародија на „Оскарите“ што ги организира Академијата на филмските уметности и науки. Водечки со девет номинации е мјузилот Diana: The Musical на „Нетфликс“, а на листата номинирани за најлош филм се трилерите Karen и The Woman in the Window, секој со пет номинации, како и Space Jam: A New Legacy на Леброн Џејмс. Актерката Ејми Адамс е номинирана за најлоша актерка. На листата актери со најлоши остварувања се и Жана де Вал, Меган Фокс, Тарин Менинг, Руби Роуз. Брус Вилис оваа година доби посебна категорија по појавувањето во осум проекти (American Siege, Apex, Cosmic Son, Deadlock, Fortress, Out of Death, Survive the Game и Midnight in the Switchgrass) за кои организаторите на овие награди сметаат дека сите се прилично лоши. Категоријата е наречена најлоша изведба на Брус Вилис во филм од 2021 година.