Норис ја освои ГН на Велика Британија, сензационален подиум за Хулкенберг

07.07.2025 juli Ponedelnik

Возачот на Мекларен Ландо Норис ја освои Голема награда на Велика Британија која по дождливо време се возеше денеска на патеката во Силверстоун.

Британецот во болидот на Мекларен го освои првото место пред неговиот клупски колега Оскар Пјастри.

За Норис ова е осма победа во кариерата, а прва пред домашната публика во Силверстоун.

Место на подиумот имаше и за 37-годишниот Нико Хулкенберг од Заубер, кој дојде до сензационален успех.

За Хулкенберг ова е прв подиум во Формула 1 по 239 трки и 5.593 денови, а го постигна и покрај тоа што стартуваше од претпоследното, 19 место.

Возачот на Ферари, Луис Хамилтон го освои четвртото место, Макс Верстапен од Ред Бул заврши петти, додека Пјер Гасли од Алпин на шестото место.

На половина од шампионатот во Формула 1, Пјастри води во генералниот пласман со 234 бодови, осум повеќе од второпласираниот Норис, додека Верстапен е на третото место со 165 бодови.

Во Формула 1 следува пауза до 27 јули, која ќе се вози трката за Големата награда на Белгија.