Новото засилување на Милан пристигна на прегледи

Милан доведе сериозно засилување во пресрет на новата сезона, а останува Алесандро Флоренци само уште да ги помине медицинските прегледи за да биде промовиран во новиот клуб.

Италијанскиот репрезентативец не е во плановите на Жозе Мурињо, односно Рома, па ја прифати понудата на ривалот од Милано.

Флоренци веќе пристигнал на прегледите и подоцна се очекува првпат да позира со дресот на Милан.

„Росонерите“ ќе и платат 1 милион евра на Рома за заем за една сезона, а потоа ќе можат да го откупат договорот на Флоренци за 4,5 милиони евра.

Претходно, Паоло Малдини успеа да ги обезбеди трансферите на голманот Мањан, како и на Жиру и Бало-Туре, како и останувањето на Томори и Дијаз.