Ново одлично издание на Македонецот: Разиграниот Поповски најефикасен во победата на Цирих

Македонскиот интернационалец, Мартин Поповски игра на навистина високо ниво во дресот на Амичитија Цирих, форма која ја потврдува од натпревар во натпревар во првата лига на Швајцарија.

Цирих во рамките на осмото коло славеше над Креузлинген со 30:28 (13:13), а вистински лидер беше токму Поповски кој беше најдобар стрелец со седум голови од девет обиди.

Зад него беше Лапајне со пет погодоци, додека кај гостите прво име беше Тахирукај со осум голови.

Мартин и соиграчите со вкупно единаесет бода се наоѓаат на третото место на табелата, нареден ривал им е Криенс кој е на втората позиција со 12 поени.