Ново име на „Стемфорд Бриџ“: Челси го официјализираше првото зимско засилување (ВИДЕО)

Англискиот премиерлигаш Челси официјално го потврди првото зимско засилување кое доаѓа од Норвешка.

Составот од Лондон успеа да ги обезбеди услугите на младиот африкански напаѓач и досегашен член на Молде, Датро Фофана. Фофана има 20 години и веќе е репрезентативец на Брегот на Слоновата Коска, а во Челси доаѓа по квалитетните настапи во дресот на Молде каде минатата сезона даде 21 погодок на 37 натпревари во сите конкуренции, плус забележа 7 асистенции.

Тој ќе им се приклучи на новите колеги на почетокот на 2023 година, а „сините“ за овој трансфер ќе издвојат 12 милиони евра.