Ново име во Формула 1, Алплин го објави наследникот на Фернандо Алонсо

Заминувањето на Себастијан Фетел во пензија следната сезона повлече неколку новитети во тимовите кои се натпреваруваат во Формула 1.

Така, Фетел во тимот на Астон Мартин ќе биде заменет од уште еден поранешен шампион, Фернандо Алонсо. Со тоа се отвори едно испразнето место во тимот на Алпин кое веднаш беше пополнето.

Францускиот тим објави дека местото на Алонсо ќе го заземе младиот Оскар Пиастри кој минатата година дојде до тронот во Формула 2 шампионатот.

21 годишниот австралиски пилот кој ќе го замени Алонсо и досега беше дел од тимот на Алпин и ја имаше улогата на резервен возач.