Новина на Оскарите: Дури три актерки ќе ја водат церемонијата

Овогодишната церемонија на доделување на престижните филмски награди Оскар ќе ја водат три актерки.

Водители на 94-тото доделување на Оскарите ќе бидат Реџина Хал, Ејми Шумер и Ванда Сајкс, објавија странските медиуми.

Поминаа 35 години откако дури три лица го водеа најголемиот холивудски спектакл, но никогаш досега не се појавија толку многу жени на сцената во една вечер во улога на водител на шоуто на доделувањето на престижните награди.

Секоја од трите актерки ќе води по еден час од церемонијата, а Шумер ќе биде главен координатор.