Нова титула за Македонија на „Мис Евроазија 2024“

11.07.2024 juli Cetvrtok

Во Москва, Русија, неодамна се одржа изборот за Мис на Евроазија 2024, на кој нашата држава ја претставуваше 26-годишната тетовчанка Катарина Јовановска. Таа од Москва се враќа со титулата Трета придружничка. Овој голем успех го направи во конкуренција на 30 девојки од исто толку држави од Европа и од Азија. Победничка е претставничката на Узбекистан, титулата Прва придружничка ја освои Мис Турција, а Втора придружничка е убавицата од Русија.

Катарина е дел од Модното студио „Црнокрак“. Таа на финалната вечер се претстави во креации на Елена Лука, специјално изработени за оваа прилика.