Нов тесен пораз за германските ракометари во Токио

Франција стигна до третата едноподруго победа на ракометниот турнир во Токио за да се пласира во четврт-финалето откако со 30:29 ја победија Германија за која ова е втор драматичен пораз на турнирот.

Французите имаа фантастично прво полувреме во кое поведоа со 14:7 поддржани од фантастичниот Винсен Жерар пред Германците да се вратат во игра и да поведат со 19:18 на дваесет минути пред крајот.

По ова, следуваше израмнета игра пред Кентин Мае и Иго Деска да ја вратат предноста на два гола (30:28) за голема победа.