Нов резултат за почит: Георгиевски освои златен медал и во Загреб

Најдобриот македонски таеквондист, Дејан Георгиевски дојде до уште еден успех со кој направи нов исчекор кон зацртаната цел, пласман на Олимписките Игри во Париз кои се на програмата во 2024 година.

На почетокот на овој месец Дејан трумфираше на турнирот Г1 Тирана Опен за да сега биде најдобар и во Загреб.

Георгиевски го освои златниот медал „Загреб ОПЕН Г1“ и тоа откако во хрватската престолница совлада противници од Италија, Бразил и Холандија.

Прво се справи со Марко Насо, потоа го реши Бразилецот Патрик Переира Кардосо за да во финалната борба биде подобар од Брајан Зондероп.