Ништо од подвигот на Бостон: Мајами ќе игра во финалето на НБА плејофот

Бостон успеа да се врати од негатива од 3:0 во серијата против Мајами, но на крајот сепак не направи пресврт за историја и остана без можност за учество во уште едно финале на НБА плејофот. Селтикс ја вратија серијата пред своите фановите, но повредата на Џејсон Тејтум уште на стартот како да беше најава за црното сценраио, кое донесе убедлива победа на Хит (84:103). Браун и Смарт не успеаја да го надоместат ограничениот перформанс на првата ѕвезда, а на спротивната страна Мајами ги искористи своите најсилни оружја за да го полни кошот на Бостон и со постојана предност, да дојде до заслужена и убедлива победа. Батлер со 28 и Мартин со 26 поени беа реализаторски предводници на домашниот тим, додека Адебајо забележа дабл-дабл со 12 поени и 10 скокови. Во редовите на Бостон, триото Браун-Смарт-Тејтум го заврши дуелот со 19, 18, односно 14 поени. Мајами ќе игра финале против Денвер, во обид да стигне до четвртата НБА титула во историјата на франшизата.