Несторовски го промени имиџот и стана хит во Удинезе: Македонскиот Еминем (Фото)

12.08.2021 Avgust Cetvrtok

Илија Несторовски веќе започна со индивидуалните тренинзи во својот долг процес на рехабилитација од тешката операција на коленото, па во период кога дава максимум за да се врати што побрзо на фудбалските терени, македонскиот репрезентативец реши и да се освежи.

Напаѓачот кој заработи кинење на предниот вкрстен лигамент има уште неколку месеци работа пред да заигра за Удинезе во новата натпреварувачка сезона, но од тоа што самиот го прикажа на социјалните мрежи, добро е да се види дека е одлично расположен и посветен во реализирањето на големиот предизвик.

Популарниот Иле вчера на социјалните мрежи откри дека ја офарбал својата коса и се прикажа со нов имиџ, но тоа му послужи на еден негов соиграч да направи урнебесна споредба на Инстаграм.

Лукаш Теодорчик сподели слика од заедничкиот ручек со Македонецот, кој пак со новиот изглед му послужи како инспирација за споредба со познат рапер.

– Македонскиот Еминем, – порача Тодорчик, а самиот Иле го сподели комичниот коментар.