Нереалниот Кари погоди од тунелот кон соблекувалните, фановите се фаќаа за глава (Видео)

15.02.2024 Februari Cetvrtok

Стеф Кари стана првиот играч во историјата кој постигнал повеќе од седум тројки на четири меча во низа во НБА лигата, но фантастичниот шутерски учинок не беше доволен за Голден Стејт.

„Воините“ влегоа во фантастична форма по трагичната смрт на Милојевиќ и почнаа да играат за својот починат тренер, но после пет победи во низа, утрово загубија во драматичен меч со Лос Анџелес Клиперс.

Кари беше убедливо најдобар играч на паркетот и постигна 41 поен во поразот од 125:130 на неговиот тим, а покрај деветте тројки, ѕвездата на Голден Стејт воодушеви и поради еден потег на загревањето.

Стеф веќе некое време важи за најдобар и најоткачен шутер во историјата на кошарката, па носејќи го тој примат, понекогаш и самиот си задава навистина луди задачи.

Кари рано утрово успеа да погоди од тунелот кон соблекувалните, а откако го направи тоа со една рака, фановите се фаќаа за глава и еуфорично го поздравуваа својот идол.