Нервозниот Рамос се посрамоти со потегот по поразот на ПСЖ

Серхио Рамос не може да се пофали дека ужива во својата фудбалска кариера по напуштањето на Реал Мадрид, а дел од своите фрустрации покажа и по вчерашниот пораз на ПСЖ. Дефанзивецот беше дел од составот на францускиот првак кој загуби на домашен терен од Баерн Минхен, а по средбата направи потег за кој заработи многу критики. Нервозниот Рамос се налути поради ненамерниот судир со еден фоторепортер, по што силно го оттурна човекот кој во тие моменти си ги извршуваше своите професионални обврски.