Неколку играчи и дефинитивно си заминуваат од Челси по одлуката на британската влада

Утрово стигнаа крајно неповолни вести за иднината на тимот на Челси кој од денеска има „замрзнат“ статус поради нивниот сопственик.

Владата во Велика Британија одлучи да го замрзне целиот имот на Роман Абрамович, а му забрани на Русинот да извршува и било какви трансакции.

Тоа значи дека и продажбата на Челси ќе биде стопирана, па клубот од Лондон во моментов е во „статус кво“ ситуација.

Играчите не смее да бидат продавани, не смеат да им бидат продолжувани договорите, клубот не смее да ангажира нови засилувања, а нема да има ниту гледачи на трибините, освен оние кои имаат сезонски билети.

Тоа значи дека од клубот речиси сигурно ќе си заминат сите играчи кои се влезени во последните три месеци од договорот со клубот од Лондон.

Андреас Кристенсен веќе е договорен со Барселона, а ваквата одлука на британските власти ќе го натера и Аспиликуета да ја прифати понудата на „каталонците“. Од клубот дефинитивно ќе си замине и Антонио Ридигер за кого има интерес од три големи тимови.