Не закрепна на време: Надал нема да ја брани титулата на Ролан Гарос

Големиот грен слем шампион, Рафаел Надал нема да може да настапи на овогодинешното издание на Ролан Гарос, информираат шпанските медиуми. Ова е последната вест која доаѓа од Пиринеите, вест која утре би требало да биде потврдена од страна на Надал кој ќе одржи прес конференција. „Кралот на земјата“ долго време е отсутен од терените, нема одиграно ниту еден меч од Австралија Опен од поразот од Мекензи Мекдоналд. Иако првите вести дека тој ќе може навреме да се врати за сезоната на земја, меѓутоа сите тие прогнози паднаа во вода, Рафа не настапи на ниту еден негов омилен турнир со тоа што постоеше надеж дека ќе биде спремен за Ролан Гарос, грен слем турнир кој го има освоено 14 пати и е актуелен шампион. Сепак по се изгледа не е 100 проценти, фит, подготвен и едноставно мора да го пропушти Френч Опен.