НБА лигата го прекрсти Јокиќ поради хорок-погодокот кој го режираше против Лејкерс

Никола Јокиќ продолжува да пишува кошаркарска историја и стана првиот играч кој запишал четири трипл-дабли во низа во еден НБА плејоф, учинок кој прави Денвер да биде на пола пат од големото финале.

Нагетси рано утрово повторно го пронајдоа лекот за Лос Анџелес Лејкерс и поведоа во серијата со 2:0, па сега се на два чекори од испишување историја и играње во финалето.

Јокиќ овојпат имаше огромна поддршка од Џамал Мареј кој постигна дури 23 поени во последната четвртина, но пред да дојде до одлучувачките моменти, Србинот беше оној кој доминираше на паркетот.

Центарот го заврши мечот со трипл-дабл учинок од 23 поени, 17 скокови и 12 асистенции, но изведе и еден потег кој неверојатно многу потсети на легендарниот Карим Абдул Џабар.

– Карим Абдул Јокиќ, – гласи пораката од НБА лигата за хорок-погодокот на Никола.