Најголемата супер јахта во светот станува реалност: ќе има 39 апартмани за цена од над 11 милиони до

05.07.2021 Juli Ponedelnik

Најголемата супер јахта во светот набргу ќе стане реалност како капацитет со 39 стана за почетна цена од скромни 11 милиони долари. Со импресивни 728 стапки, супер јахтата со име „Сомнијо“ треба да биде најголемата јахта во светот и според должина и според обем по лансирањео во 2024 година, пренесува Си-ен-ен. Супер јахтата „Сомнијо“, што на латински значи „сон“, е дизајнирана од компаниите „Винц х дизајн“ и „Тилберг дизајн“ од Шведска, а треба да ја изгради норвешкиот дизајнер и бродоградител ВАРД за цена од речиси 600 милиони долар Гигантското пловило ќе располага со 39 апартмани на шест ката, како и ресторани и барови. Сепак, постапката за купување е само со покана или препорака, а почетните цени на становите се повеќе од 11 милиони долари. Портпаролот на проектот за „Си-ен-ен травел“ потврди дека некои станови се веќе разграбани. Беше објавено дека идентитетот на сопствениците ќе се чува во тајност и дека секој од 39-те апартмани ќе содржи специјални функции базирани на желбите на купувачот. „’Сомниjо’ ќе биде единствената супер јахта за живеење во светот и е дизајнирана да почитува стандарди што се сразмерни со секојдневното живеење“, рече капетанот на јахтата, Ерик Бреде.