Начевски и Николов добија нова атрактивна мундијалска задача

Најквалитетната македонска судиска комбинација, Ѓорѓи Начевски и Славе Николов е делегирана за уште еден натпревар на 28. Светско првенство.

Начевски и Николов имаат голема доверба од ИХФ, па така вечерва ќе ја делат правдата на дуелот меѓу Шведска и Исланд кој се игра во Гетеборг од 20:30 часот. Ова е дуел во кој домаќините ќе влезат со 6 бода, гостите со 4 што секако е најава за одлична пресметка во Скандинавиум Арена“.

Ова за Ѓорѓи и Славе е трета задача на Мундијалот, претходно беа главни на мечевите Унгарија – Португалија и Бахреин – Тунис.

Делегет пак ќе биде Рац од Швајцарија.