Научниците пронајдоа „пат до Атлантида“ на дното на Пацификот

Поморските научници на истражувачкиот брод „Ноутилис“ открија пресушено езерско корито што изгледа како „пат од жолта тула“, а научниците биле инспирирани да го опишат како „пат до Атлантида“.

Откритието е резултат на истражување на подводните планини формирани од вулканска активност во областа наречена гребен Лилиуокалани во Тихи Океан, која е дел од заштитеното подрачје наречено Национален споменик на северозападни Хаваи (ПМНМ). За истражувањето, тимот од научници користеше возило на далечински управувач.

ПМНМ се наоѓа северозападно од Хавајските Острови и опфаќа 1.510.000 квадратни километри, вклучувајќи десет острови. Бродот „Ноутилис“ го помина поголемиот дел од минатиот месец истражувајќи ја областа и проучувајќи ги геолошките и биолошките системи на подморските планини.

Видеото објавено на Јутјуб го покажува моментот на истражување на „патот до Атлантида“. Иако формацијата наликува на патека направена од тула, таа всушност е шема на пукнатини на морското дно што е резултат на праисториската активна вулканска геологија. Пукнатините се резултат на стресот предизвикан од загревањето и ладењето поради повеќекратните ерупции на гребенот. Бродот „Ноутилис“ е користен од непрофитната организација „Оушн експлорејшн траст“, која е посветена на истражување на океаните.