Наполи искористи слика од Елмас за да ја опише извонредната сезона: Погледни Елиф….. (Фото)

Елиф Елмас беше стартер во вчерашната победа на Наполи во Лигата на шампионите, тим кој засега има перфектна сезона во Европа, а исто така и во Италија. Наполи уште во минатото коло обезбеди пласман во осминафиналето во најелитното натпреварување и максимално растеретено играше против Ренџерс, но тоа нималку не ги опушти играчите на Спалети. „Наполитанците“ победија со 3:0 и продолжија со перфектни пет од пет во групната фаза во Лигата на шампионите, па во ситуација кога јасно е дека ќе играат во нокаут фазата, непознато е само дали ќе завршат како први. Наполи има се на своја страна да заврши пред Ливерпул поради победата од 4:1 во првиот меч со Англичаните, па во последното коло ќе треба да избегне пораз од три или повеќе голови разлика. Подобар прв дел од сезоната дефинитивно не можеа да го замислат ниту најголемите оптимисти меѓу фановите на Наполи, а клубот со оригинална слика го искористи Елмас и испрати интересна порака за пласманот меѓу 16-те најдобри во Европа.