Надал: Прашајте го Ѓоковиќ дали ќе ми го врати трофејот (ВИДЕО)
- Aleksandar Santovski
- Nov 24, 2022
- 1 min read
Рафаел Надал ја заврши оваа сезона кога се во прашање официјалните настапи, турнири, но се уште има некои обврски, планови кои треба да ги одработи како што е јужноамериканската турнеја која ја има со Каспер Руд.
Двајцата ќе настапат во повеќе градови, а првата дестинација е Аргентина. Руд како дете бил голем навивач на Шпанецот, а еден пораз на неговиот миленик тешко му паднал.
-Би го променил финалето на Австралија Опен во 2012 година, тој долг натпревар против Ѓоковиќ. Тоа беше натпревар што ме натера да се чувствувам навистина лошо со часови, -рече Руд по што со насмевка и шега се надоврза Надал.
-Мора да го повикате Новак, да видите дали ќе сака да го врати трофејот, -истакнал Рафа.
Тоа финале во Мелбурн беше спектакуларно, траеше скоро шест часа, а Ноле славеше со 3-2 во сетови со 5–7, 6–4, 6–2, 6–7(5–7), 7–5.

Comments