Надал му испрати шампионска честитка на Ѓоковиќ на објавата со среќното семејство (Фото)

Новак Ѓоковиќ преживеа многу неверојатни мокменти во период од 48 часа, бидејќи во неделата попладне ја освои седмата титула на Вимблдон, наредното утро позираше со трофејот на централниот терен заедно со своето семејство, а вчеравечер имаше незаборавен пречек во родниот Белград.

Српскиот тенисер порача дека до крајот на својот живот ќе ги памети специјалните моменти и споделувањето на радоста со домашните навивачи од Србија, но во низата објави кои ги имаше на социјалните мрежи, доби честитка и од еден од двајцата најголеми ривали во кариерата.

Рафаел Надал поради повреда не доби шанса да се бори за трофејот и се повлече пред полуфиналето со Ник Кирјос, но огромното разочарување сепак не го поколеба да му испрати порака на Твитер.

Шпанскиот тенисер се јави со одговор на објавата која ја имаше Ноле поврзано со семејната прослава на централниот терен, сцени кои предизвикаа реакција од Рафа.

– Уау! Фантастичен момент! Уживај и големи честитки!, – порача Надал.