Награда за одлично завршената работа: Тухел доби нов договор од Челси!

04.06.2021 Juni Petok

Англискиот премиерлигаш Челси официјално ја продолжи соработката со германскиот стручњак Томас Тухел.

Тухел на почетокот на оваа календарска година седна на клупата на клубот од Лондон и успеа да направи многу позитивни промени, да ја врати атмосфератата, победничкиот дух, а сето тоа беше крунисано со трофејот во Лигата на шампионите.

Сето ова придонесе Томас да добие нов договор и според истиот треба да остане на „Стемфорд Бриџ“ до 2024 година.

-Не можам да замислам подобар повод за обновување на договорот. Благодарен сум за искуството и многу сум среќен што останувам дел од семејството Челси. Има уште многу и на следните чекори гледаме со многу амбиција и исчекување, -истакна Германецот кој на „сините“ му обезбеди и Топ 4 пласман во ПЛ и финале во ФА Купот каде беше поразен од Лестер.