Навас испиша историја со настапот во полуфиналето на Лигата на нации

Хезус Навас го заслужи враќањето во шпанскиот национален тим по одличната сезона со Севилја, а вчерашниот настап против Италија му донесе важно место во историјата на шпанскиот фудбал. Ветеранот доби шанса да игра од првата минута во полуфиналето на Лигата на нации, со што стана и највозрасен фудбалер кој го носел дресот на „црвената фурија“. Со 37 години и 206 дена, Навас е број еден на оваа вечна листа, соборувајќи го рекордот на легендарниот Луис Суарез, кој својот последен настап за Шпанија во 1972 година, го имал на возраст од 36 години и 346 дена. Трет на вечната листа е легендарниот голман Антони Рамалец, кој последниот настап за репрезентацијата го имал на возраст од 36 години и 318 дена. Навас дебитираше за „фуријата“ против Аргентина во 2009 година, а против Италија стигна до 47. настап во националниот тим.