На повидок ТВ-серија за Одри Хепберн

15.04.2021 April Cetvrtok

Животот на холивудската икона Одри Хепберн доаѓа на малиот екран со нова телевизиска серија. Сценаристката и продуцентка на „Добра сопруга“, Жаклин Хојт, ќе ја пишува драмската серија, објави „Варајети“. Проектот ќе биде заедничка продукција на италијанската продуцентска куќа „Вајлсајд и Фремантл“, позната по неколку хитови, меѓу нив и „Младиот папа“. Актерката беше едно од најсаканите и најпрепознатливи лица на 20 век глумејќи во многу филмски евергрини, како што се „Сабрина“, „Празник во Рим“, „Појадок кај Тифани“ и „Мојата убава дама“.