На „Оскарите“ ќе има признание за најдобар филм по избор на корисниците на „Твитер“

Фановите ќе може да изберат победник на годинешното доделување на „Оскарире“, без разлика дали филмот е номиниран. Организаторите на церемонијата наводно се согласиле да му оддадат признание на филмот за кој гласале фановите од твитер-заедницата, објави „Холивуд репортер“. Почнувајќи од овој понеделник, корисниците на социјалната мрежа ќе може да гласаат за своите омилени филмови што беа објавени во 2021 година – без разлика дали филмот е номиниран за „Оскар“ – користејќи го хаштагот #OscarsFanFavorite. Филмот што ќе добие најмногу гласови од фановите до 3 март, ќе биде признат во текот на доделувањето на златните статуетки на 27 март.