Мурињо за најновото засилување на Рома: Го знам уште како дете, со неговото доаѓање…

17.08.2021 Avgust Vtornik

Екипата на Рома повлече уште еден потег во овој преоден рок и успеа да ги обезбеди услугите на досегашниот напаѓач на Челси, Тами Ејбрахам.

Составот од италијанската престолнина одлучи да вложи сериозна сума на пари (40 милиони евра плус бонуси), да верува во квалитетите на Ејбрахам кој беше прекуброен во актуелниот европски шампион.

Голема улога во реализација на трансферот имаше Жозе Мурињо кој му се заблагодари на клубот за направениот потег, но и на Тами кој со доаѓањето во Рим покажал амбициозност.

-Морам да кажам дека генералниот менаџер и сопствениците беа брилијантни. Реалноста е дека започнавме предсезона мислејќи дека ќе го имаме Џеко и тоа што се случи беше изненадување за сите нас. На неверојатно тежок пазар и во финансиска ситуација која е тешка за секој или поточно за речиси секој клуб, да се покаже подготвеност, амбиција, почит кон емоциите на навивачите и да се донесе Ејбрахам откако го загубивме Џеко беше голем потег -рече Жозе и додаде:

-Претпочитам да кажам почекајте и ќе го видите Тами, но тоа го кажувам со целосна доверба. Го познавам уште како момче момче. Тој никогаш не играше за мене, бидејќи имаше 14, 15, 16 години кога бев во Челзи, но го познавам многу добро.

-Го знам како играч, личност и во однос на менталитетот. Секогаш е тешко за англиски играч да ја напушти својата земја и Премиер лигата, тоа зборува многу за него. Ако ја напуштите Премиер лигата, тоа е затоа што сте амбициозни, затоа што сакате да се вратите во својата репрезентација, затоа што сакате да играте на Светското првенство и да триумфирате надвор од Англија каде што нема многу англиски играчи кои имале брилијантни кариери.

-Тој доаѓа тука со таа амбиција и се надеваме дека ќе ги видиме неговите најдобри квалитети како играч. Со Тами, Шомуродов и Мајорал имаме напаѓачки опции од кои сум многу задоволен. Го немаме искуството што може да го видите во Јувентус со Кристијано Роналдо, во Милан со Жиру и Ибрахимовиќ со оглед на тоа што веќе се докажани, ама во однос на потенцијалот не би можел да бидам посреќен со играчите што ги имаме, -порача португалскиот стручњак.