Мурал посветен на Елтон Џон се издигна на „Викариџ роуд“

Обожавателите на сер Елтон Џон ќе видат нов мурал на пејачот кога тој ќе одржи два концерта за враќање дома на стадионот на фудбалскиот клуб Ватфорд.

Елтон треба да настапи на „Викариџ роуд“ во јули, за да го заврши европскиот дел од својата проштална турнеја, насловена „Farewell Yellow Brick Road“.

Нова слика на почесниот доживотен претседател на клубот, сер Елтон Џон, е насликана пред трибината на која ќе пее.

Креаторите „МурВалс“ изјавија дека тоа е „прослава на љубовта на Елтон кон фудбалскиот клуб“. Сликата од 9,1 метри на сер Елтон во дрес на Ватфорд се наоѓа на црниот ѕид од станбениот блок што граничи со стадионот на клубот.