Мундијалскиот сон не стана јаве: Португалија застана на патот на храбрата Македонија (Видео)

29.03.2022 Mart Vtornik

Мундијалскиот сон на репрезентативците на Македонија, за жал не стана јаве откако избраниците на Благоја Милевски беа поразени од Португалија со 2:0.

Португалците ја искористија фаворитската улога и пред 50 илјадната домашна публика успеаја да прослават пласман на Светското првенство што на крајот на оваа година ќе се одигра во Катар.

Македонија одигра храбро, а натпреварот беше решен по две невнимателни интервенции на нашата одбрана.

Прво, во 32. минута Стефан Ристовски упати додавање кое беше пресечено од Португалците по што со голот на Бруно Фернандеш дојдоа до предност од 1:0.

Во вториот дел фудбалерот на Манчестер Јунајтед постигна уште еден погодок по една брза контра и стави крај на надежите на Македонија за пласман на Мундијалот.