Музејот Лувр ќе му позајми слика од Да Винчи на Абу Даби

За петта годишнина на својата единствена филијала надвор од Франција, музејот Лувр во Абу Даби, францускиот музеј Лувр ќе му позајми една од своите најпознати слики, Свети Јован Крстител од Леонардо Да Винчи.

Поврзан со парискиот музеј преку договор за соработка, Лувр Абу Даби со голема помпа го отвори францускиот претседател Емануел Макрон во ноември 2017 година.

„По повод петтата годишнина од Лувр во Абу ДаБИ, музејот Лувр ќе ја позајми сликата Свети Јован крстител од Леонардо Да Винчи, неспоредливо ремек-деко на ренесансниот мајстор“, се наведува во заедничкото соопштение на двата музеја.

Сликата ќе биде изложена во постојаните галерии на музејот во Абу Даби од 8.ноември 2022 година во текот на две години.

Делото, меѓу најпознатите во Лувр, никогаш не престана да фасцинира милиони посетители кои доаѓаат да мус е восхитуваат во срцето на најпосетуваниот музеј на светот, наведоа музеите.