Момент за историја: Абдул-Џабар лично му честиташе на ЛеБрон за рекордот

ЛеБрон Џејмс влезе во историјата на НБА, надминувајќи го вкупниот број на постигнати поени на Карим Абдул-Џабар, а овој рекорд ќе биде тешко достижен и за помладите генерации.

Ѕвездата на Лос Анџелес Лејкерс го постави рекордот на домашен терен и доби заслужени овации од фановите, но и очекувана посебна чест од НБА.

Лигата претставувана од комесарот Адам Силвер на посебна церемонија го одбележа рекордот, а за сето тоа да биде на највисоко ниво се погрижи Карим Абдул-Џабар.

Досегашниот сопственик на рекордот лично му честиташе на Џејмс и му ја предаде топката како подарок и спомен од историската ноќ.

Рекордот кој падна утринава беше 38387 поени и беше поставен во 1984 година.